خوێنەرەوەکە
<p>دوو کارەکتەری سەرەکی لەم ڕۆمانەدا هەن، <strong>هانا شمیتس</strong> و کوڕێژگەکە. کات لەم ڕۆمانەدا زۆر درێژە، دەکرێت بڵێم دەتوانین ئەم ڕۆمانە بەسەر دوو کاتدا دابەش بکەین، کاتی جەنگ و دوای جەنگ، واتە تەمەنی کوڕێژگەکە لە هەرزەکاری، مامناوەندی و تا ڕادەیەک پیریش دەگرێتەوە. کاتێک ئەم کوڕە هەرزەکارە و خوێندکارە، تووشی نەخۆشیی زەردووی دەبێت و بە ڕێکەوت <strong>خاتوو هانا</strong> دەبینێت و پاشان پەیوەندی لە نێوانیاندا دروست دەبێت. سەرەتا پەیوەندیی جەستەیی دروست دەبێت و دواتر وردەوردە دەبێت بە پەیوەندییەکی ڕۆحی لە لایەن کوڕێژگەکەوە. دواتر کاتێک <strong>خاتوو هانا</strong> بڕیار دەدات ئەو جێگەیە بەجێ بهێڵێت و بۆ جێگەیەکی تر بڕوات لەگەڵ کوڕێژگەکە لە یەکتر دادەبڕێن، کوڕێژگەکە دەبێت بە خوێندکاری مافناسی و دواتر لە یەکێک لە سیمینارەکاندا لە دانیشتنێکی دادگا <strong>هانا</strong> دەبینێت کە دادگایی دەکرێت لەسەر ئەوەی کە سەر بە <em>ڕێکخراوی ئێس ئێس</em> بووە.</p>\r\n\r\n<p>ئەم رۆمانە باس لەوە دەکات کە مرۆڤ چەند جیاوازیی لە نێوان خۆی و کەسی بەرامبەردا هەبێت، دەتوانێت گیرۆدەی ببێت یان خۆشی بوێت بەبێ ئامانج. کوڕێژگەکە جگە لەوەی بۆی دەرکەوت کە <strong>هانا</strong> سەر بەو رێکخراوەیە، بەڵام نەیتوانی ڕقئەستوور بێت بەرامبەری، لە کاتێکدا <strong>هانا</strong> بێماڵئاوی ئەو کوڕەی بەجێ هێشت، هەروەها لە کاتێکیشدا<strong>هانا</strong> دەستی لە کوشتنی چەندین کەس هەبووە. گیرۆدەبوون بە <strong>هانا</strong>وە وای کرد نەتوانێت لەگەڵ خێزانەکەیدا بەردەوام بێت، بەڵکو جیا بووەوە.</p>\r\n\r\n<p>لەم رۆمانەدا لە ڕێگەی کەسایەتیی <strong>هانا</strong>وە پێمان دەڵێت کەهەندێک مرۆڤ چەند سەرسەختن و خۆبەزلزانن لەهەندێک ڕەفتاریاندا، <strong>هانا</strong> بە هۆی نەخوێندەوارییەکەوەیە نەیدەتوانی و نەیدەویست خۆی بشکێنێتەوە.</p>\r\n\r\n<p>کاتێک لە دادگاییەکەدا باس لە خوێندنەوەی کتێبی دایک و کچەکە کرا، <strong>هانا</strong> نەیگوت نەخوێندەوارم بەڵکو نکۆڵی کرد و گوتی خوێندوومەتەوە؛ گەر ڕاستی بگوتبا، ڕەنگە کەمێک سزای کەمتر بوایە، بەڵام سەرسەختانە گوتی خوێندوومەتەوە. مرۆڤ زۆر جار دەجەنگێت بۆ شتێک کە خراپ بەسەریدا دەشکێتەوە، د